uncertainITy

மக்களுக்கு போரடிக்கிறப்பலாம் தூக்கிட்டுப் போயி குமுறுகஞ்சி காச்சப்படுறதால இன்னக்கி பேசிடுறதுன்னு முடிவு பண்ணிட்டேன். ITயப்பத்தி அடிக்கடி எழுதப்படுற பல பதிவுகள் குருடன் யானைய தடவிப்பாத்த கதையாத்தான் இருக்கு. எழுதறவங்க எழுதப்படுற நோக்கத்துக்குத் தோதா இருக்குற டேட்டாக்கள (அந்த டேட்டா எக்சப்ஷனல் கேஸா இருந்தாலும்) எடுத்தியம்பி, LHS = RHS, ஹென்ஸ் ப்ரூவ்ட், இங்க பாத்தீங்களா ரெண்டு டன் காண்டோம்னு முடிச்சுடறாங்க. ஒவ்வொருத்தர் சொல்றதுலயும் கொஞ்சம் நெஜமும் இருக்கு, நெஜமில்லாததும் இருக்கு. 

எல்லாரும் குருடனா இருந்து யானைய தடவினா, அப்ப நீ இப்ப சொல்றது மட்டும் என்னனு கேக்கலாம். இதுவும் நான் பர்சனலா கடந்த பத்து+ வருசமா பாத்த, ப்ரென்ஸ் & கலீக்ஸ் அதற்கு முன் ஒரு 10+ வருசங்களா பாத்துட்டு வந்த ITயப்பத்தினத collate பண்ணி இங்க எழுதறேன். இதுலயும் விடுபட்டவைகள் இருக்கலாம். ஆனா எதையும் exaggerate பண்ணி எழுதல. பாத்தத Honestடா சொல்றேன். 

~~~

ITன்னு broadடா எடுத்துக்குட்டா அத Product & Service கம்பெனிகள்னு பிரிக்கலாம். மணிரத்னம் அவரோட படங்கள தானே கன்சீவ் பண்ணி, இயக்கி, தயாரிச்சு வெளியிடுவார்ல, அப்பிடி ஒரு கம்பெனி ஒன்று, அல்லது அதற்கு மேற்பட்ட சாப்ட்வேர்கள செஞ்சு மார்கெட்ல / கஸ்டமர்ட்ட விக்கும். அவைகள product கம்பெனினு சொல்லுவாங்க. நம்மூர்ல Zoho ஒரு ப்ராடக்ட் கம்பெனி.

Service கம்பெனிகள்னா கொத்தனார் வீடு கட்றாப்ல. வீடு வேணும்னு ஒருத்தர் வந்தா, தாங்கிட்ட இருக்க ஆட்கள வச்சு கட்டிக்குடுப்பாப்டி. கட்டின வீடு, வீட்டு மொதலாளிக்குச் சொந்தம், கட்டிக்குடுத்ததும் அதுக்கும் கொத்தனாருக்கும் எந்த சம்மந்தமோ உரிமையோ இருக்காது. அதேதான் சர்விஸ் கம்பெனிகள்லயும். இந்தியாவுல அதிகம் இருக்கறது service கம்பெனிகள் தான். எதாச்சும் ஒரு வெளிநாட்டு முதலாளி எனக்கு இன்னது வேணும்னு சொல்லுவான்.. இது… சொல்லுவார்.. அவர் கேக்குறத கம்பெனிகள் செஞ்சு குடுத்துரும். விப்ரோ, இன்ஃபி இன்னபிற சர்விஸ் கம்பெனிகள். 

~~~

டெக்னிகலா, ஐடி வேலைகள மூனாப்பிரிக்கலாம். Design & Development, Testing, Maintenance and Support. 

எல்லா ஐடி கய்சும் யாரடி நீ மோகினி தனுசாட்டம் கோட் அடிப்பாங்கன்னு நெனைக்கக்கூடாது. (ஆனா நயன்தாராவ நெனச்சு அடிப்பாங்க)

~~~

எடுத்துக்காட்டா, ஒரு காலேஜ் இருக்குன்னு வைங்க, அதுல அட்மிசன்லருந்து, டெய்லி அட்டனன்ஸ், எக்சாம், ரிசல்ட், டைம் டேபில், சர்க்குலர் இப்பிடி எத்தனையோ விசயம் இருக்கும். அத சுளூவா பண்ண ஒரு சாப்ட்வேர்னால முடியும். காலேஜ மெய்ண்டன் பண்ண எனக்கு ஒரு சாப்ட்வேர் வேணும்னு மட்டுந்தான் வெள்ள சொக்கா கல்வித்தந்தை சொல்வாப்டி. அந்த சாப்ட்வேர யார் யார் யூஸ் பண்ணப்போறாங்க, எத்தன பேர் யூஸ் பண்ணப் போறாங்க, மொபைல்லயா, கம்ப்யூட்டர்லயா, கம்ப்யூட்டர்லியே இண்டர்நெட்டோடவா இல்ல நெட் இல்லாமயா, அந்த சாப்ட்வேர்லருந்து என்னலாம் வேணும், என்னலாம் இருக்கக்கூடாது, இப்பிடி பல ஆங்கில்ல கேள்வி கேட்டு, பதில் வர வெச்சு, பதில் இல்லாத பட்சத்துல அவங்க தேவைய புரிஞ்சுகிட்டு அவங்களுக்குச் சிறந்தத, நல்ல முறைல குடுக்கக்கூடிய டெக்னாலஜி மூலம் வார்த்தெடுக்குறது சாப்ட்வேர் டெவலப்மெண்ட். 

~~~

எங்கலாம் பட்டன் இருக்கணும், அத அமுக்குனா எங்கல்லாம் போணும், எப்டிலாம் போணும்னு படம் போட்டு பாகங்கள குறிக்கறது டிசைன்ல வரும்.

பட்டன அமுக்கினா அங்க போகுதுல்ல, அத போக வெக்கிறது டெவலப்மண்ட்

பட்டன அமுக்கினா அங்க போகுதா, இல்ல வேறெங்கயும் போவுதா, பட்டன் அமுக்கினதும் போவுதா இல்ல ஊர்மேஞ்சுட்டு பொறுமையா போகுதான்னுலாம் பரிசோதிச்சு பாக்கறது டெஸ்டிங். 

இப்பிடி வடிவமைச்சு, கட்டமைச்சு, சரிபார்த்ததுக்கப்புறம் அது காலேஜுக்கு (அல்லது க்லையண்டுகளுக்கு) டெலிவர் செய்யப்படும். காலேஜோ மற்ற ஏனைய தொழில்நிறுவனங்களோ அத தொடர்ந்து பயன்படுத்த ஆரமிப்பாங்க. அதுல அப்பப்ப வர்ற இடக்குகள பட்டி டிங்கரிங் பாத்து மராமத்து பண்றது சப்போர்ட் & மெய்ண்டனஸ். 

ஸ்விக்கில சரியா டெலிவரி ஆகலன்னா, ஊபர் ட்ரைவர் வரமாட்டேன்னு கேன்சல் பண்ணா சோமீல ங்கோத்தா ங்கொம்மான்னு எவனையோ புடிச்சு திட்றோம்ல, அப்ப சிரிச்சமாதிரியே ஒரு சுமைலி போட்டு பதில் சொல்லுவாங்கல்ல, அந்த விளிம்பு நிலை ஐடி கைசுலாம் சப்போர்ட்ல வருவாங்க. 

~~~

ஐடி இயக்கத்தப்பத்தி போரடிச்சாப்ல ஓரளவு சொல்லிட்டேன்னு நெனைக்கிறேன். 

இப்ப அடுத்த பார்ட். மத்த எந்தத் துறைக்கும் இல்லாது, ஜஸ்ட் 30 வருசத்துலயே ஸ்பீல்பெர்க்க ஷங்க்கரால மல்ட்டிப்லை பண்ணாப்ல ப்ரம்மாண்ட வளர்ச்சி பெற்றது ஐடித்துறை. அதற்குக் காரணம், அங்கிங்கெனாதபடி எல்லாத்துறைகளுக்குள்ளயும் ஐடி ஊடுபாவியது. உண்மையச் சொல்லப்போனா ஐடி ஒரு வெறும் கிரியா ஊக்கிதான். இந்த கிரியா ஊக்கியோட வீரியத்தால மத்த அத்தனை துறையும் பன்மடங்கு வளந்துச்சு. அதோட தாக்கம் ஐடியும் கூட சேந்து வளந்துச்சு. யோசிச்சுப்பாத்தீங்கன்னா ஐடிக்குன்னு ஒரு முகமே கெடயாது. உலகின் அத்தனைத் தொழிலையும் மாடர்னைஸ் பண்ணி அதோட திறன பன்மடங்கு அதிகரிச்சு புதிய பல கதவுகள திறந்து வச்சது மட்டும்தான் ஐடி பண்ணது. ஆதித்தொழிலான அய்ட்டம் போடுறதுலருந்து, நேற்று முளைத்த காளானான சாப்பாட்டு டெலிவரி வரைக்கும் எல்லா தொழிலுக்கும் ஒரு கைகுலுக்கராவோ, முதுகெலும்பாவோ இருந்து உதவுது. 

~~~

இப்ப அடுத்த இடத்துக்கு வருவோம். ஐடில எல்லாருக்கும் லச்சத்துல சம்பளம், கோடில புரளுவாங்க, வாராவாரம் டிஸ்கோ பார்ட்டி, டீம் லஞ்ச். இதுல உண்மையும் இருக்கு. 

மொதல்ல நம்மூர்ல இப்பிடி ஐடிக்கு கொள்ளக்காசு பொரள்றதுக்கு முக்கியக் காரணம் Forex. அந்த கன்வெர்ஷன் ரேட்ல கெடைக்கிற எஸ்ட்டா கமர்கட்லதான் இது சர்வைவ் ஆகிட்டிருக்கு. நம்மூர்கள்ல பாத்துருப்போமே, ஊர்லயே ட்ரைவரா இருப்பான். அவனுக்கு பெருசா எதுவும் வாழ்க்கைல நடக்காது. அதையே வெளிநாட்ல போயி பண்ணுவான். கொஞ்ச நாள்லயே வீடு கட்டிருவான். என்ன காரணம்? Forex. வேறெதுவும் இல்ல. 

~~~

IBMனு ஒரு ஐடி கம்பெனி, நூறு வருஷத்துக்கு மேல இருக்கு. இன்னமும் இருக்கு. ஆனா அத விட, பத்து வருசத்துக்கு முந்தி ஆரமிச்ச டுவிட்டர் அதிகப்பேருக்குத் தெரியும். ஏன்? 

எல்லாத்துறைலயும் ஒவ்வொரு வருசமும் புதுப்புதுசா டெக்னாலஜி வந்துட்டே இருக்கும். அப்டி இருக்கைல, தொலைத் தொடர்புத் துறைல ஏற்பட்ட ஒரு புரட்சிதான் உலகத்தையே பொரட்டிப் போட்டுச்சு. அது என்ன ஏதுன்னு எல்லாருக்கும் தெரியும்ங்குறதால ஸ்டெய்ட்டா மேட்டருக்குப் போவோம். 

ஏனைய துறைல, அது விவசாயமோ, கார் செய்றதோ, குண்டூசி செய்றதோ, பொருட்கள் physicalலா இருக்கும். அத தயாரிச்சு, பாதுகாத்து, பதப்படுத்தி, இன்னொரு எடத்துக்குக் கொண்டு போறது வரைக்கும் எல்லாத்துலயும் physical entities, labours, physical movements இருக்கும். ஆனா ஐடிக்கு தொலைத்தொடர்பு புரட்சியினால ஒரு சவுகரியம் கெடச்சுது. எத்தனை தொலைவா இருந்தாலும் அத நொடி நேரத்துல அடைய முடிஞ்சது, மென்பொருள டெலிவர் பண்ண முடிஞ்சது. Connectivity matters. நூற்றாண்டா இருக்குற ஐடித்துறை ஏன் 90களுக்குப் பின் அசுர வளர்ச்சி அடைஞ்சதுன்னா அதுக்குக் காரணம் தொலைத் தொடர்புல ஏற்பட்ட மாற்றம்தான். உலகமயமாக்கலும் அப்ப பரவலாக, paradigm shift மாதிரி வீரபாண்டி கோட்டையிலே COBOL FORTRAN வீதியிலேன்னு திசையெங்கும் டால்பி டிடிஎஸ் ஒலிக்கத் துவங்கியது. 

So, physicalலா எந்த இயக்கமுமே இல்லாம வெறும் மின்னணு மூலமாவே எல்லாத்தையும் செய்ய முடியும்னு வந்தப்ப அது பல தடைகள உடச்சுது, பல கோட்டைகள விசாலமா தெறந்துச்சு. அதனால, இங்கேர்ந்தே எல்லாத்தையும் ஈசியா ஏற்றுமதி பண்ண முடியும்னு ஆச்சு. அதுல டாலர்ல கெடச்ச வருவாய் forex ஆண்டவர் தயவினால பலகோடிக்கணக்கான ரூபாய்களா மாறி, மாரி மழையா பேஞ்சுது. 

ஒரு பிரபலமான கேஸ் ஸ்டடி இருக்கு, ஏரோப்லேன் கம்பெனிகளோட பிசினஸ் எதிரி / காம்படிட்டர் யாருன்னு. அது இன்னொரு ஏரோப்லேன் கம்பெனி இல்ல, வீடியோ கான்ஃபரன்ஸிங் கம்பெனிகள் தான்னு. இப்ப கேமரா, கம்ப்யூட்டர், மீசிக் ப்லேயர், அலார்ம் எல்லாத்துக்கும் ஆப்பா மொபைல் வந்துருக்குல்ல? அப்டி. நெட்ல தேடிப் படிங்க, செமயா இருக்கும். 

~~~

சரி, இப்ப இவ்ளோ ப்ரம்மாண்டமான கம்பெனிகள கட்டமைக்கணும், அதுக்கு என்ன பண்ணாங்கன்னு பாப்போம். எல்லாத்துறை போலவும் ஆரம்பத்துல லேபர் இல்லாததால அதிகமான மக்கள உள்ளிழுக்கணும்னு எண்ணிலடங்கா சலுகைகள் கொடுத்தது உண்மைதான். ஃப்ரீ பிக்கப் ட்ராப் பஸ் / கார்லருந்து, காப்பி, டீ, ஆர்லிக்ஸ், சாப்பாடுன்னு வகை தொகையில்லாம கொடுத்தது மறுக்க முடியாது. புதுப்பணக்காரன் நடு ராத்திரில கூலிங்ளாஸ் போட்ட கதையாத்தான் ஆரமிச்சது. தலைகால் புரியாம ஒரு ஆட்டம் கம்பெனிகள் ஆடுச்சு. ஆனானப்பட்ட விப்ரோலயே ரோஸ்டட் நட்ஸ் pantryல எப்பவும் ரெப்பி வெச்சுட்டே இருந்த காலங்களும் உண்டு. பின்னால கொஞ்சம் பிசினஸ் டல்லடிக்க ஆரமிச்சதும் காஸ்ட் கட்டிங்-ன்ற பேர்ல ஒவ்வொன்னா கட் பண்ண ஆரமிச்சாங்க. (வெய்யக்காலத்துல கக்கூசுல தண்ணி இல்லாம லீவ் விட்டது வரைக்கும் வந்துருக்கு ஆபரேசனல் & காஸ்ட் கட்டிங்).

முந்தியே சொன்னாப்ல ஐடிக்குன்னு ஒரு தனி முகம் கெடையாது. மத்த பிசினஸ்கள் கொஞ்சம் நல்லா நடக்க வெக்கற எனேப்லர் தான் ஐடி. So, எல்லா பிசினசும் கொஞ்சம் கொஞ்சமா லேட்டஸ்ட் டெக்னாலஜிக்கி மாறினப்புறம் கிரியா ஊக்கிகளோட தேவைகள் கொறைய ஆரமிச்சது. அல்லது புது வளர்ச்சிகள் இல்லாம ஆச்சு. இது தவிர இன்சூரன்ஸ் முதலிய பிசினஸ்கள் திவாலாகுறப்ப அதோட கூடவே சேந்து பயணிக்கிற ஐடி BFSI டொமைனோட வேட்டியவும் உருவி உட்டுட்டுப் போச்சு. அதனாலதான் ரிசஷன்லாம் ஆச்சு. 

~~~

ஐடிய பொருத்தவரை, அதோட ப்ரம்மாண்டம், அதுல இருக்க ஆட்களின் எண்ணிக்கை, இதையெல்லாம் வரலாற்றோட ஒப்பிட்டுப் பாக்கணும்னா அது அந்தக்காலத்துல கட்ன பிரமிட ஒப்புமையாச் சொல்லலாம். உலகின் பெரும் பெரும் வியாபாரங்களுக்கு உறுதுணையா இருக்கணும்னா அவ்ளோ பெரிய சப்போர்ட் சிஸ்டம் வேணும். அது herculean சிஸ்டமா இருக்கணும். மொதல்ல ஒரு விசயத்த செய்ய ஆளே இல்லங்குறப்ப இனிக்க இனிக்கப் பேசி, ஆச காட்டி கூட்டிட்டுப் போவாங்க. முந்தி ஸ்கூலுக்குச் சேர கையால காத தொட்டாலே போதும், ஸ்கூல்ல சேத்துக்கிட்டாங்க. அப்பறமா எல்லாரும் படிக்க ஆரமிச்சிட்டானுங்கன்னதும் அஞ்சாவதுலயே பெய்லாக்க பப்லிக் எக்சாமும், அத மீறி வரவங்கள நீட் EWSனு எப்பிடியாச்சும் தடக்கல்ல போட்டு மேல வர முடியாம தடுக்கறாங்கல்ல, அப்பிடித்தான் ஐடிலயும். முந்தி கம்ப்யூட்டர ஆன் பண்ணத் தெரிஞ்சாப்போதும், வேல உண்டு. இப்ப கம்ப்யூட்டர ‘செஞ்சு’ அத மொபைல் புள்ள பெக்க வெச்சாத்தான் ஏறெடுத்து பாப்பானுக.

பிரமிட் கட்டியே ஆகணுங்குற நெலம வரப்ப, எப்புடி அதக்கட்ட அடிமைகள் தேவப்பட்டாங்களோ, அதே மாதிரி இந்த ஐடி பிரமிட்களக் கட்டவும் அடிமைகள் தேவப்பட்டாங்க. To be frank, அடிமைகளின்றி (அதாவது அடிமை மனோபாவமின்றி) இவ்ளோ பெரிய கட்டமைப்பலாம் உண்டாக்கவே முடியாது. 

அடிமைன்னு சொன்னதும் அடிக்க ஓடி வராதீங்க. பிரமிட் vs ஐடில வேல செய்றவங்களோட முறைகள கொஞ்சம் ஒப்புநோக்கிப் பாருங்க. அடிமைப் படுத்தற முறைகள்தான் மாறிருக்கே தவிர அடிப்படை அப்படியேதான் இருக்கு. 

பிரமிடோ, ஐடியோ - முதல் தேவை - ஒரு அடிமை, சொல்றதெல்லாம் செய்ற ஒருத்தன். நேரம் காலம் பாக்கக்கூடாது, திருவிழா பண்டிகைனு கேக்கக்கூடாது, எப்ப சொன்னாலும், எதச்சொன்னாலும் செய்யக்கூடிய ஒருத்தன். புதுப்புது டெக்னாலஜி வருதா, அத கத்துப்பான், ஒரு வேலைலருந்து இன்னொரு வேலைக்கு அனுப்புறாங்களா, செய்வான். ஊர விட்டு வேற ஊர்ல வேல செய்யனுமா, செய்வான். புள்ள பெத்துக்கறத தள்ளிப்போடணுமா, செய்வான். இது அத்தனையும் பிரமிடுகாலத்துலயும் செஞ்சான். இப்பவும். 

அடுத்து மிக முக்கியமா insecurity & fear - வேல செய்றவனுக்கு ஒரு பயம் இருக்கணும். அந்தக்காலத்துல அது உயிர் பயமா இருந்துது. எந்த நேரத்துலயும் அரசன் தன்ன கொல்லலாம்னு.  இந்த வேல செஞ்சுட்டாப் போதும், உயிராவது பிழைச்சுக் கெடந்துடலாம்னு அந்த பயம் இருந்துச்சு. தப்பா பண்ணினா சாட்டைல வச்சு சாத்திருவானுங்கன்னும் பயமிருந்துச்சு. 

இன்னைக்கு அது அப்டியே ஜாப் செக்யூரிட்டினு ஆகிருச்சு. எப்ப வேணா வேலைய விட்டு fire பண்ணுவானுக. யாரும் எதுவும் கேட்க முடியாது. பத்து வருசமா கூட வேல செஞ்சவனாத்தான், பக்கத்து சீட்ல இருந்தவனாத்தான் இருப்பான். ஆனா ஒரு சுபயோக காலைல அவனுக்கு வேல போச்சுன்னா ஏன்னு அவனாலயும் கேக்க முடியாது, கூட இருந்தவனாலயும் கேக்க முடியாது. I see this as the biggest achievement of corporates. சான்சே இல்ல இப்பிடி ஒரு சிஸ்டத்த உண்டு பண்ணது. ஒரு பஸ் கண்டக்டர வேலைய விட்டு தூக்குனாக்கூட அவர்கூட வேலை செய்றவங்களால அன்னக்கி ஊர ஸ்தம்பிக்க வெக்க முடியும். ஆனா ஐடில ஜஸ்ட் லைக் தட் தூக்கி வெளிய வீச முடியும், முதலாளிகள எதிர்த்து இரும்புக்கரம் தூக்கறது என்ன, இருமக்கூட முடியாது. 

இதுல அடுத்த லேயரா, வேல போய்ட்டா சர்வைவல் கஷ்டம்னு நம்ப வெச்சது. அதுக்கான சிக்கல்கள்ல நம்மள கோத்து விட்டது. யோசிச்சுப்பாருங்க, 90க்குப்பின் ஐடி, கொள்ளகொள்ள சம்பளம் மட்டுமா வந்துச்சு? அதுவரைக்கும் அங்கொன்னும் இங்கொன்னுமா இருந்த லோன், EMI, க்ரெடிட் கார்டு எல்லாம் வந்து, நம்மளோட நுகர்வுக் கலாச்சாரத்துலயே ஒரு பெரிய மாற்றத்த கொண்டு வந்துருச்சு. IT, Non ITனு இன்னக்கி பாக்கற 90% பேர்கிட்ட எதாச்சும் ஒரு லோன் இருக்குது. மாசம் பொறந்தா சம்பளம் வருதோ இல்லையோ, க்ரெடிட் கார்ட் பில்லு வந்துருது. இன்னக்கிப் பலபேரு வேலைக்குப் போயி சம்பாதிக்கிறதே க்ரெடிட் கார்ட் பில் கட்றதுக்குதான்ற அளவு ஆகிருச்சு. ஆக, இந்த இன்செக்யூரிட்டிய வெச்சு, அத ஒரு (இண்டைரக்ட்) life threatடா வெச்சு ஐடி வளருது. 

ஆனா இந்த ரெண்டும் இல்லாம இத்தன குறுகிய காலக்கட்டத்துல இவ்ளோ பெருசா ஐடிய உண்டாக்கிருக்க முடியாது. This அடிமைத்துவம் has its own benefits.

அடுத்து, எல்லா பிசினசும் மாறிட்டே இருக்கறதால தன்னத்தானே வளத்துக்குற ஆட்கள் தேவப்பட்டாங்க ஐடிக்கி. அதனால ஒருத்தனுக்கொருத்தனுக்குள்ள போட்டி, பொறாமைய தூண்டி விட்டானுக. அப்ரைசல்னு ஒன்ன வெச்சு, மத்தவனோட ஒப்பிடுறப்ப, ஒவ்வொருத்தனோட சுய தகுதி, திறமை மற்றும் செய்ற வேலை அதிகமாவும் சிறந்ததாவும் இருக்க வெச்சானுக. அப்டி இல்லனா இருக்கமாதிரியாச்சும் காட்ட வெச்சானுக. அதுவும் முடியலன்னா ஒரு குறிப்பிட்ட சதவிகிதத்தினர் மத்தவன மட்டமாக் காட்டுறதன் மூலமா தன்ன ஈரோவா முன்னிறுத்திய கதைகளும் உண்டு (ஆக்ச்சுவலி இந்தக்கதைகள் தான் அதிகமுண்டு). வாழ்க்கை குறித்தான குறிக்கோள், பார்வை, stand மற்றும் பல behavioral changeகளை இந்த காம்ப்படிடிவ் முறை உண்டு பண்ணியது. 

~~~

அடுத்து, ஐடில இருக்கவன்லாம் வேலையே செய்யாம சந்தோசமா இருக்கான். எப்பவும் ஆன்லைன்லயே இருக்கான் எனும் குற்றச்சாட்டு. 

முதலில் ஐடில இருக்கவன்லாம் சந்தோசமா இருக்கானா? - ஆம் மற்றும் இல்லை. 

ஒருத்தன் சந்தோசமாக இருக்கப் பல காரணிகள் உண்டு. கம்பெனி, அக்கௌண்ட் / வெர்ட்டிகல், பிசினஸ் & டெக்னாலஜி டொமைன், வேலை வகை, ப்ராஜக்ட், டீம், மேனேஜர் மற்றும் டீம் மேட்ஸ். இதோடு கொஞ்சம் ஒருத்தர் வளர்ந்த பின்னணி, திறன் மற்றும் வாழ்க்கை முறையும் காரணி. 

ஒரே ப்ராஜக்டில் உல்லாச உலகம் எனக்கே சொந்தம் எனப்பாடுபவனும் இருப்பான். தோ… வர்ற நாயித்துக்கெழம தூக்குல தொங்கிருவான் பாரேன் எனுமளவுக்கு ஸ்ட்ரெஸ் உள்ளவனும் இருப்பான். ஆக, நாம் பார்க்கும் ஒருவரையோ ஓராயிரம் பேரையோ சாம்ப்பிலாக வைத்து இதை அளவிடவே கூடாது. மோட்டர் அமைவதெல்லாம் அவனவன் செய்த வினை. 

என் முன்னாள் ப்ராஜக்ட் ஒன்றில் 134 நாட்கள் “ஒரு நாள்” கூட விடுப்பின்றி வேலை செய்தவரும் உண்டு, UKவுக்குச் சென்று டிவி ரிமோட் வேலை செய்கிறதா என்று ரிமோட்டை மட்டுமே அமுக்கிப் பரிசோதித்துப் பௌண்டில் சம்பாதித்தவனும் உண்டு. அதது, அந்தந்த கேஸுக்கான டேட்டா சேம்பில். அதை வைத்துப் பொது விதி இயற்றவியலாது. 

அடுத்தது, எப்ப பாத்தாலும் ஆன்லைன்லயே இருக்கானுக - அவர்கள் மட்டுமா இருக்கிறார்கள்? அத்தனை பேரும், இந்தக் குற்றச்சாட்டை வைக்கும் அவரும்தான் எப்போதும் ஆன்லைனிலேயே இருக்கிறார். முந்தி கூறியது போல, தொலைத் தொடர்புப் புரட்சியினால் விளைந்த விளைவே இது. டிக்டாக் ஜிபிமுத்து அண்ணாச்சி முதல், சட்டப்பேரவையில் பார்ன் பார்க்கும் சட்டமன்ற உறுப்பினர் வரை அனைவரும் எப்போதும் வாட்சாப்பிலோ, பேஸ்புக்கிலோ, பார்ன்ஹப்பிலோ இருக்கும்போது, தன் தொழிலின் அடிப்படையே ஐடிதான் என இருக்கும் ஐடி கைஸ் ஆன்லைனில் இருப்பதில் என்ன ஆச்சரியம்?

இதே குற்றச்சாட்டை, தேட்டரில் டிக்கட் கிழிப்பவர் அல்லது ஆப்பரேட்டர் எப்போதும் படம் பார்த்துக்கொண்டே இருக்கிறார் என்றும், ஹோட்டலில், ஸ்வீட் கடையில் வேலை செய்பவர் எப்போதும் நொறுக்குத்தீனி தின்று கொண்டே இருக்கிறாரென்றும், பூக்கடை, வாசனை திரவியக்கடையில் இருப்பவர் எப்போதும் மணம் நுகர்ந்துகொண்டே இருக்கிறார் என்றும் குற்றம் கூறுவார்களா?

~~~

அடுத்து டைடல் பார்க்கில் ரண்டு டன் காண்டோம் கண்டோம் என்பது. ரெண்டு டன் காண்டோம் கக்கூசில் சிக்கினால் சென்னை நகர சீவேஜுகளில் வெறும் விந்துதான் மிதக்கும். சரி, இப்படியாப்பட்ட உறவுகள் ஐடியில் இல்லையா? யார் சொன்னது இல்லையென்று? இருக்கிறதுதான். இத்தகைய உறவுகள் எப்படி சினிமாவில், காலேஜில், ஸ்கூலில், ஆஸ்பத்திரியில், அரசியலில், அரசு அலுவலகங்களில், வங்கியில் இருக்கின்றனவோ அதே அளவில் சற்றும் குறையாமல் ஐடியிலும் உண்டு. தோ போறா பாரு தேவ்டியா என அடுத்தவரைக் கைகாட்டுவதன் மூலம் இவர்கள் நிறுவுவது மற்றவர்கள் தேவ்டியாக்கள் என்பதையல்ல, நா கொஞ்சம் இன் காக்னிடோ மோடுலருக்க ஒழுக்கப்புன்னகை பாத்துக்கிடுங்க என்பதைத்தானோ?

~~~

நிகழ்காலத்துக்கு வருவோம். 

தற்போது startup எனும் கலாச்சாரம் பெருகி வருகிறது. ஏதேனும் ஒரு ஐடியாவை வைத்துக்கொண்டு அதற்கு ஒரு ரெவென்யூ streamமை உண்டாக்கி, பிசினசாக்கி, காசாக்கி, அதைக் கரியாக்கும் போஸ்ட் மாடர்னிசக் கலாச்சாரம். வழக்கம் போல் இதிலும் ஐடி கோலோச்சுகிறது. நூற்றாண்டுகளாகவும், தசாப்தங்களாகவும் இயங்கி வரும் கம்பெனிகள் ஒரு குறிப்பிட்ட மாடலில் வேலை செய்கின்றன. Startupகள் சற்று new wave முறையில் இயங்குகின்றன. மீண்டும் 3g, 4g, 5g என புதுப்புது g ஃபோர்ஸாக தொலைத்தொடர்பு வீரியம் கொள்ளுகையில் அதன் பக்க விளைவாக இந்தக்கட்டமைப்பு தற்போது உண்டாகிறது. ஆரம்ப காலத்தில், ஐடியில் ஆட்கள் இல்லாதபோது எப்படி பல்வேறு ஜிம்மிக்ஸ் காட்டி வேலைக்குச் சேர்த்தனரோ, அதே போல ஸ்டார்ட்டப்பிலும் தற்போது பல்வேறு கேரட்டுகள் காட்டப்படுகின்றன. வீட்டிலிருந்தே வேலை செய்யும் ரிமோட் / ஒர்க் ஃப்ரம் ஹோம் ஆப்சன் (முந்தி அமெரிக்காவுக்கு நேரடியாய்ச் செல்லும் தேவையை தொலைத் தொடர்புப் புரட்சி தடுத்து நிறுத்தியது போல, 4g புரட்சியானது, இத்தனை ட்ராபிக்கைச் சமாளித்து ஆபிசுக்குப் போக வேண்டிய சுமையை நீக்கிவிட்டது), ஆபீசில் சாப்பாடு, பீர், ஸ்னேக்ஸ், டீம் லஞ்ச் போன்றவை. இதெற்கெல்லாம் காரணம், மீண்டும் forex மற்றும் taxation தான். 

முந்தி அமெரிக்க க்லையண்ட்டுகள் டீம் லஞ்சுக்கென்று அவன் காசுக்கு ஐநூறு ஆயிரம் டாலர் கொடுப்பான். அதை இங்கு மாற்றுகையில் அறுபதினாயிரம் வரும். 30 பேர் கொண்ட டீமுக்கு அறுபதினாயிரம் பட்ஜெட் ஒதுக்குகையில் அதைச் செலவு செய்யத்தோதான பெரிய இடத்திற்குத்தான் அவர்கள் செல்வார்கள். க்லையண்ட் பார்வையில் அவன் தூக்கிப்போட்டது ஒரு காக்கா கடி கமர்கட்டுதான். ஆனால் ஃபாரெக்ஸ் தயவால் இங்கு அது காடை பிரியாணியாக விழுகிறது. இதற்கும் ஐடிக்கும் சம்மந்தமில்லை. 

நல்ல திறனுள்ளவர்களை கம்பெனிகள் தக்கவைத்துக்கொள்ள பெரும்பாடு படவேண்டி இருக்கும். வெளியே இருந்து பார்க்கையில், வேலைக்குச் சேர்வது, சுளுவாகக் கழர்வது எனத்தோன்றினாலும், இண்டர்வ்யூ, பேக்ரௌண்ட் வெரிபிகேசன், ஜாய்னிங் ஃபார்மாலிட்டிஸ் எல்லாம் முடித்து, ஒருவன் வேலையில் சேர்ந்து, ப்ராஜக்டில் ட்ரெய்னாகி, அவனை வைத்து சம்பாதிக்க கம்பெனிகளுக்கு குறைந்தது ஒரு மாதமாகிவிடும். இதற்காக கம்பெனி செலவிடும் நேரம், உழைப்பு அதிகம். பணமெல்லாம் கொட்டிக்கிடக்கும்தான், ஆனால் எத்தனை பணமிருந்தும் சிலவற்றை சாதிக்கவியலாதல்லவா. ஆகவேதான் நல்ல திறனுள்ளவர்களை மதிமயக்கி வைத்துக்கொள்ள ஒவ்வொரு நற்புத்தியுள்ள கம்பெனியும் அத்தனை முயற்சிகளும் எடுக்கும். அதன் ஒரு பகுதியே இந்த எம்ப்லாயி பெனிஃபிட்ஸ். இதில் ஒருவகையில் கம்பெனிகளுக்கும் நன்மைதான். எல்லாச்செலவுகளும் போக, மீதியுள்ள வருமானத்திற்குத்தான் அவர்கள் வரி கட்டியாக வேண்டும். ஆகவே, வரிக்கு செலுத்துவதைவிட உருப்படியான காரியங்களுக்காக செலவு செய்யலாமென, அதைத் தன் வேலையாட்களுக்காக லேப்டாப் தருவது, பிக்கப்புக்கு டேக்ஸி, தீனி வஸ்துகள், டூர்கள், படங்கள் இன்னபிறவற்றில் செலவு செய்து, வரிக்கு வரியும் குறைத்து, வேலை செய்பவருக்கு நல்லது செஞ்சாப்லயும் ஆச்சு, அலமாரியும் வெள்ளையாச்சு முமண்ட்டில் செல்கின்றது. 

~~~

அடுத்தது, ஐடியில் இருப்பவன் லட்ச லட்சமாய் சம்பாதிக்கின்றான். 

மீண்டும் ஃபாரெக்ஸ் கதையை உருட்ட விரும்பவில்லை. காலேஜ் முடித்து புதுசாய்ச் சேரும் ஃப்ரெஷருக்கு மாதச்சம்பளமாக எண்பதினாயிரம் கொடுக்கும் கம்பெனிகளும் உண்டு, இரண்டு மூன்று வருடங்கள் அனுபவம் வாய்ந்தவருக்கு மூவாயிரம் முதல் ஆறாயிரம் வரை சம்பளம் கொடுக்கும் கம்பெனியும் இதோ இதே சென்னையில் உண்டு. சம்பளத்தைத் தீர்மானிப்பது ஸ்கில்செட்டும் டிமாண்டும் தான். ஒரு குறிப்பிட்ட திறனுள்ளவருக்கு, டிமாண்ட் அதிகமாயிருக்கையில் எத்தனை வேண்டுமானாலும் கொட்டிக்கொடுக்க கம்பெனிக்ள் தயாராய் இருக்கும். அதுவே பிசினஸ் இல்லாத போது ஜஸ்ட் லைக் தட் வேலையை விட்டனுப்பவும் தயங்காது.  

டிமாண்ட் இருக்கையில், வீக்கெண்ட் ரெசார்ட்டில் ஆட்டம் போட்டு, டிமாண்ட் குறைந்த திங்களன்று காலை ID கார்ட் ப்லாக் செய்யப்பட்டு, வேலை பறிபோகும் uncertainty நிறைந்த உலகமிது. 

சரி, சம்பளமென்று எடுத்துக்கொள்வோம், அத்தனை ஐடி மக்களும் டேக்ஸ் கட்டுவதால் இவர்கள் சம்பாதிப்பது கண்ணில் தெரிகிறது. உண்மையைச் சொல்லுங்கள், ஒரு கவுன்சிலரை விட அதிகம் சம்பாதிப்பானா ஐடியில் இருப்பவன்? எத்தனை இடங்களில் பில்லில்லாமல் காசு கொடுக்கிறீர்கள் என எண்ணிப்பாருங்கள். எங்கெல்லாம் லஞ்சத்தைக் கொட்டுகிறீர்கள் என யோசியுங்கள், டொனேசன்களை எண்ணுங்கள். 

இதைவிட ஒரு trivia சொல்கிறேன், highest paying jobs in the world என கூகுலைத் தட்டுங்கள். அதிர்ந்து போவீர்கள். அதற்கென்று ஐட்டியில் அதிக சம்பளம் இல்லை எனச் சொல்லவில்லை. ஐட்டியில் மட்டுமே உண்டென்று நினைக்காதீர்கள், பெரும் மலை முழுங்கி portfolio managersகள்லாம் இருக்கிறார்கள். 

~~~

ஒவ்வொரு துறையும், ஒவ்வொரு நிறுவனமும் குறிப்பிட்ட இயல்பில் இயங்கும். ஒன்றை மற்றொன்றோடு ஒப்பிட்டுப் பார்ப்பதே அபத்தமானது. 

இன்று ஆஸ்பத்திரிக்குச் சென்றதும், டாக்டர்கள் கேட்கும் கேள்வி “ஐ.டியா”? இதை டயக்னாஸ் செய்ய உதவுமென்று கேட்கிறார்களா, அல்லது ஃபீஸ் தீட்டவா என்பது முத்துலெட்சுமிக்கே வெளிச்சம். முதுகுவலி, மூட்டு வலி, ஒபிசிட்டி, சுகர், உளவியல் பிரச்சினைகள், என ஐடி வாழ்வின் முன்பத்தில் சம்பாதித்தவற்றில் பெரும்பான்மையை பின்பத்தில் ஆஸ்பத்திரிகளுக்கே அழும் வகையில் டிசைன் & டெவலப் செய்யப்படிருக்கிறது ஐடி வாழ்வு. மேலும், ஏனைய துறைகளில் இருப்பது போல முப்பது நாற்பது வருட சர்வீஸ், அறுபதில் ரிட்டயர்மெண்ட் என்றெல்லாம் இங்கில்லை. மிஞ்சிப்போனால் இருபது வருடம் டைம். அதற்குள் எத்தனை சேர்க்க முடியுமோ சேர்த்துக்கொள்ள வேண்டியதுதான். இருபது வருடம் சக்கையாய்ப் பிழிந்து, பின் ஒதுக்கிவிட்டு, அடுத்த நற்கரும்பை நோக்கி நகர்ந்துவிடும் துறை இது. கருது மனிதனையும் மனிதன் கருதையும் பரஸ்பரம் அறுத்துக்கொள்ளும் விநோதத் துறை. அறுப்பில் முந்திக்கொள்பவன் பிழைத்துக்கொள்வான்.